Audio by Pr. Umuremye Jolay Paul, Revival and Reformation Department, Rwanda Union Mission

Ntimukagire icyo mukorera kwirema ibice cyangwa kwifata uko mutari, ahubwo mwicishe bugufi mu mutma, umuntu wese yibwire ko mugenzi we amuruta. Abafilipi 2:3.

Abakozi b'Imana bagomba gukora mubwumvikane bwuzuye. Amakimbirane azana kwitandukanya intonganya n'amacakubiri. Nategetswe ko amatorero yacu adakeneye kugira umwanya w'amakimbirane. Mugihe umwuka w'intonganya urwanira ubutware, wuhagarike kandi ukemure ikibazoa, bitabaye ibyo Kristo azaza vuba maze akureho urumuri rwawe mumwanya warwo. Reka habeho kwihana by'ukuri. Reka Umwuka w'Imana
arondore intekerezo no mu mutima, maze akuremo imyanda yose yabangamira ivugurura rikenewe. Mugihe ibi bitarakorwa, Imana ntishobora kuduha imbaraga n'ubuntu bwayo. Kandi mugihe tudafite imbaraga n'ubuntu bwayo, abantu bazasitara bagwe, kandi ntibazamenya icyo basitaraho. Urukundo rwa Kristo ni umurunga ugomba guhuza umutima n'intekerezo by'abizera.

Amaraso ya Kristo yamenewe umuryango wabantu bose. Nta numwe ukwiriye kuzimira. Abazazimira bazarimbuka kuko bahisemo gutakaza ibyishimo by'iteka kugirango banyurwe n’inzira zabo bwite. Uku niko guhitamo kwa Satani, kandi uyumunsi umurimo we n’ubwami bwe bihamya imiterere y'icyo yahisemo. Icyaha n'ububabare byuzuye isi yacu, ubwicanyi buteye ubwoba bubaho buri munsi,
n'imbuto z'uko umuntu yagandukiye amahame ya Satani. Bavandimwe, musome igitabo cy'Ibyahishuwe kuva mu ntangiriro kugeza ku iherezo maze mwibaze niba mutari mukwiriye kumara igihe gito mu makimbirane n'intonganya, ahubwo mugatangira gutekereza uburyo twihuta kwegera akaga gakomeye gaheruka. Abashaka kugaragaza ko ntacyo bibabwiye kubijyanye n’imanza Umwami ubu yohereje ku isi vuba aha bazahatirwa kumva ibyo ubu badahitamo kumva.
upon the earth will soon be forced to understand that which now they do not choose to understand. — (RH, August 20, 1903

Bitekerezeho:

1. Ni ayahe masomo afatika ukura muri iki cyigisho?

2. Urumva unyuzwe mumutima wawe uko itorero ryifashe muri iki gihe?

3. Ni cyakorwa ngo bikosoke?

Ibyo gusengera :

1. Kubatizwa na Mwuka Wera
2. Kugirango Imana izane ububyutse mubuzima bwawe no mu itorero
3. Kugira ngo Imana ihagarike umwuka w'intonganya n'amakimbirane, izane ubwumvikane mu matorero yacu.
4. Buri muntu uri kurutonde rwabo usengera
5. Gahunda y'ivugabutumwa ya ECD Impact 2025