Icyigisho cya 08: Umudendezo wo Guhitamo,Urukundo, n'Ububasha bw'Imana

Niba buri gihe atari ko Imana ibona ibyo ishaka, ni mu buhe buryo uku kuri kugira icyo guhindura mu buryo utekereza ku biba muri iyi si? Ni ibihe bintu bifatika bituma usobanukirwa ko hari iby'Imana iba ishaka ariko ntibibone?

Turamutse dusubiye ku mfashanyigisho yo gukora imigati twabonye mu ngingo yo ku wa Gatanu, dushobora kumva neza impamvu bitabujije "Imana na Kristo kuturema nubwo bari bazi ubugambanyi bwa Satani"? Urukundo rwagombaga kugaragara, kandi urukundo rusobanura umudendezo. Aho kutaturema nk'ibiremwa bishobora gukunda, Imana yaturemye kugira ngo tubashe gukunda, ariko kandi ibyo yabikoze izi neza ko bizageza Yesu ku musaraba. Mbese ibyo bishobora kutubwira iki cyerekeranye n' uburyo urukundo ari urwera kandi rukaba ishingiro ry'ingoma y'Imana ku buryo Kristo yagombaga kubabazwa ku musaraba aho kuba yatwima umudendezo wacu wo guhitamo ushinze imizi mu rukundo?

Akenshi hari ubwo twinubira ikibi giterwa n'icyaha hamwe no kubabara duhura na byo hano ku isi, ariko se ni kangahe ufata igihe ugatekereza ku buryo Imana na yo ibabazwa kandi igashengurwa n'ibibi bikorerwa mu isi? Ni uruhe ruhare ibyo bigira ku gusobanukirwa kwawe igihe umenye ko n'Imana ubwayo ibabazwa nʼ ikibi giterwa nʼIcyaha?

Ni mu buhe buryo uku ukuri, kuvuga ko ibintu byinshi Imana idashaka biba muri iyi, kugufasha guhangana n'umubabaro wawe, by'umwihariko igihe uwo mubabaro utumvikana ndetse ugasa n'utagira icyiza na gito ukwerekezaho?